Эрхэм таныг ХДХВ-ийн халдварын тусламж үйлчилгээ авахаар хамгийн сүүлд хандсан эрүүл мэндийн байгууллагын үйлчилгээний чанарын талаар манай байгууллагын олон нийтийн үнэлгээ (ОНҮ)-ний асуултуудын дагуу хариулж өөрийн сэтгэгдлээ хуваалцахыг хүсэж байна. Залуус, эрүүл мэнд төв ТББ нь эрсдэлт бүлгийн хүн амд үзүүлж буй ХДХВ-ийн халдварын тусламж үйлчилгээний тогтвортой байдлыг хангах хөтөлбөрийн хүрээнд энэхүү үнэлгээг хийж байгаа ба үнэлгээний үр дүнг эрүүл мэндийн байгууллагын үзүүлж буй тусламж үйлчилгээний чанарыг сайжруулахад мэдээлэл болгон ашиглах зорилготой юм. Та үнэлгээний асуултуудад хариулахад 10 орчим минут зарцуулна.

Энэхүү үнэлгээнд оролцох эсэхээ та өөрөө шийдэх бөгөөд татгалзсан тохиолдолд цаашид таныг ХДХВ-ийн тусламж үйлчилгээ авахад ямар нэгэн саад бэрхшээл учрахгүй. Үнэлгээнд оролцсоноор танд ямар нэгэн эрсдэл учрахгүй боловч асуултуудад хариулах явцад үйлчилгээ авч байх үед таныг тавгүйтүүлсэн байдлыг эргэн санаж, мэдээлэх нь танд таагүй сэтгэгдэл төрүүлж болох юм.

Таны өгсөн бүх мэдээлэл нэр хаяггүй байх бөгөөд манай байгууллагын ОНҮ-ний цахим мэдээллийн санд хадгалагдана. Хэрэв үйлчилгээ авч байх үед танд тохиолдсон ноцтой асуудлын талаар мэдээлсэн бол эргэн холбогдож зохих арга хэмжээг авах зорилгоор тантай холбоо барих мэдээллийг асуух болно (утасны дугаар, email, Facebook хаяг г.м). Энэ тохиолдолд манай ажилтан таны өгсөн мэдээллийн дагуу тантай эргэн холбогдож тухайн асуудлыг тодруулж, авч болох арга хэмжээний талаар ярилцах юм (шаардлагатай тусламж үйлчилгээнд холбож өгөх боломжтой). ОНҮ-ний мэдээллийг танилцуулж байгаа ямар ч тохиолдолд овог нэр зэрэг тухай хүн хэн болохыг тодорхойлох мэдээллийг огт танилцуулахгүй, таны хариултын нууцлалыг бүрэн хангана.

Хэрэв танд асууж тодруулах зүйл байвал 77222021 дугаараар манай ОНҮ-ний мэргэжилтэнтэй ажлын цагаар холбогдох боломжтой. Энэхүү таниулсан зөвшөөрлийн хуудсыг та өөрийн хэрэгцээнд зориулан хэвлэх эсвэл зургийг нь авч болно. Үнэлгээнд оролцохыг зөвшөөрч байгаа эсэхээ доорх мэдээллүүдээр баталгаажуулна уу:

1. Дээрх мэдээллийг гүйцэд уншиж, бүрэн ойлгосон
2. 16 ба түүнээс дээш настай
3. Сайн дурын үндсэн дээр үнэлгээнд оролцохыг зөвшөөрч байна